1:6 Mark哥 雙槍怒闖楓林閣

黑幫電影向來係荷里活強項，《The GodFather》、《Scarface》至今仍叫人津津樂道；然而，講到深入民心，《英雄本色》才是香港人心目中嘅No.1。只不過，當教父在Figure界翻出再翻出之際，Mark哥仍然以老翻作品居多，對廣大Figure迷來說，始終是一種遺憾。直至ZCWO早前正式買下電影版權，Mark哥才能以較佳質素，將雙槍勇闖楓林閣駁火一幕重現眼前！
售價：$1,180
售價：$1,180

Chok爆黑超造型

「我發誓，唔會再畀人用槍指住我個頭！」Mark哥呢句經典對白，不但影響了無數香港人，更激發ZCWO主腦Simon開發Mark哥Figure的念頭。呢款1:6 Mark哥，是業界首隻獲得電影版權的作品，整體質素比山寨廠好得多。先說頭雕，跟打響名堂的《怪醫秦博士》一樣，由韓國頭雕師RAINMAN負責，輪廓到位，肉緊表情亦交足戲，而且嘴嘟嘟可以咬番支火柴，感覺同戲中一樣Chok到爆！唯一缺點係雙眼略欠神韻，塗色亦唔夠Human-being；想神似一點，戴番副磁石黑超會較佳！

送特色場景配件

燒銀紙點煙、雙槍駁火係Mark哥招牌動作，呢方面Figure都照顧到。首先送齊美金道具一疊，還有驗鈔燈、電板同香煙Parts畀大家，只要花啲心機就擺到點煙甫士。至於雙槍駁火動作，則附送兩支M92F同一支黑星配件，配合多個獨立彈匣，既可重演劇情又有組裝趣味。長褸、馬甲、領呔花紋亦跟足原著，並參照80年代的西裝設計，長袖兼鬆身，令擺甫士時Ball Joint位不致經常外露，避免穿崩！地台是最大亮點，有齊布景板、花盆同石柱，玩家只要花啲心思便能砌出楓林閣場景，單是此點已值回票價！

附送兩副黑超，其中一副內置磁石，可吸附於頭雕上。
  • 附送兩副黑超，其中一副內置磁石，可吸附於頭雕上。
燒銀紙點煙呢幕咁經典，點可以冇配件呀？
  • 燒銀紙點煙呢幕咁經典，點可以冇配件呀？

撰文︰陳志滔

馬甲、領呔的大小、花紋都跟足電影，而且質料幾靚。
  • 馬甲、領呔的大小、花紋都跟足電影，而且質料幾靚。
皮鞋刻意舊化，並內附腳掌，用家可自行替換其他鞋。
  • 皮鞋刻意舊化，並內附腳掌，用家可自行替換其他鞋。

攝影︰陳世昌

送埋楓林閣地台，費解的是不設說明書，要花點腦汁自組。
  • 送埋楓林閣地台，費解的是不設說明書，要花點腦汁自組。
跟盒有兩支M92F同一支黑星（左至右），如有埋霰彈槍就更正！
  • 跟盒有兩支M92F同一支黑星（左至右），如有埋霰彈槍就更正！
有齊驗鈔燈、美金及電板，符合Mark哥偽鈔集團大佬身份。
  • 有齊驗鈔燈、美金及電板，符合Mark哥偽鈔集團大佬身份。
6隻造型手同Body夾番膚色，照顧到揸槍及開掌動作需要。
  • 6隻造型手同Body夾番膚色，照顧到揸槍及開掌動作需要。

查詢電話︰2398 7654