行山樂悠悠 好鞋先決

原來行山鞋望落雖然唔多靚仔，但係無論用料、設計都特別講究，適合用嚟行崎嶇濕滑地形。登山達人鍾建民（鍾Sir）教路：「選擇合適嘅鞋係為咗幫助完成旅程，當中舒服程度和保護性最為重要！」

謎團1：選購行山鞋時發現鞋上掛咗好多嘜頭如Vibram、GORE-TEX等，究竟代表乜嘢？

解密：

鍾Sir話鞋與鞋墊其實可以當作兩體，拆開擺放，風乾速度更快。

採用GORE-TEX物料的鞋大多備有認證牌仔，另有eVent等物料可揀，購買時要留神。

曾經攀越多座高峰嘅鍾Sir表示：「因為行山有機會遇到沙石、樹枝、溪澗等，所以對鞋嘅要求相對較高。市面上經常見到Vibram和GORE-TEX等嘜頭，前者為抗磨耐用的專利鞋底物料；後者則具有防水透氣功能，一般用於鞋身表面。這兩項專利技術確有實際功能，Vibram鞋底更有過千種坑紋款式，抓地能力高，有助應付崎嶇不平的山路；而GORE-TEX能確保鞋身不會入水，長時間穿着行山亦可減低焗到對腳出汗嘅機會。」鍾Sir補充，市面上有大概60~70%行山鞋款採用以上兩種物料，不過其實還有其他專利物料，如同樣具備防水透氣功能的面料便有eVent、MicroTex等，選購前不妨留意一下。

鞋主要分高、中、低筒，高過腳眼的高筒款式保護性較強，而低筒則靈活性較高。 Asolo FSN 95 GTX售價：$1,798（a）	BESTARD Travel售價：$1,785（a）	Patagonia Drifter A/C GORE-TEX售價：$989（a）

鞋底坑紋知多啲

Vibram鞋底款式眾多，坑紋各有不同。坑紋愈多的話，抓地性愈強，適合行碎石崎嶇山路；如果鞋底坑紋呈多方向性，就更適合上落斜。相反淺坑紋適合平坦的路徑，部分則加入防跣功能，適用於山澗等地方。

行山杖要識用	揀襪都有學問	H710WL功能性或許不及傳統行山鞋，但設計時尚，襯衫出街都得！售價：$750（b）

行山鞋濕咗忌曬乾

行山少不免會整濕鞋身，大部分人會用風筒吹乾或擺喺太陽下曬乾，其實這做法會令鞋身膠物料變質。正確做法是將鞋放喺陰涼地方風乾，建議大家將鞋墊由鞋身抽出，會更加快乾。

H800C鞋面改用防水物料，亦加入Vibram鞋底，適合行山。售價：$850（b）	原來揀鞋有咁多學問o架！ （設計對白）	放大圖片

謎團2：以前啲軍人個個着軍Boot攀山越嶺，着嚟行山掂唔掂o架？應該點揀適合自己嘅行山鞋？

解密：

「軍Boot一般是皮革高筒鞋身加上深坑鞋底，用來行山都OK；可惜鞋身頗重，而且皮製鞋面需要較長時間方能變軟，穿着時或會唔舒服。」鍾Sir表示：「行山鞋可依攀山難度分很多級別，高至8,000米雪山，低至香港常見的行山徑，可視乎路途需要而揀選不同物料和設計。例如面料常見有皮革、尼龍和麖皮，前者最襟着但透氣度一般；尼龍則透氣度一流，不過防水性普通，勝在輕巧；而麖皮介乎兩者之間，可惜難於打理。然後可揀選高、中、低筒設計，高筒鞋的鞋筒高於腳眼，可減低『拗柴』機會，不過移動靈活度相對下降。以香港為例，主要行山勝地如龍脊、麥理浩徑等路段，低筒鞋便可應付；而選擇到飛鵝山、鳳凰山等崎嶇路段時，最好換番對中筒或高筒鞋喇！」

謎團3：近年唔少波鞋廠推出俗稱「山系」嘅行山系列，用嚟行山會唔會仲舒服？

解密：

以New Balance為例，近年便推出以行山鞋設計嘅波鞋款式如H710系列等，New Balance香港表示：「H710是以1982年推出的專業行山鞋Rainer作藍本，比一般行山鞋輕巧，復刻了經典的D字形金屬鞋帶扣等懷舊細節，以及採用堅韌耐用的橡膠物料製作狗牙鞋底，『山系』設計適合一般短途及輕便行山用途。如果想挑戰更崎嶇的路段，可選擇GORE-TEX版本的H710或H800系列，前者具備防風防水功能；後者則採用了Vibram耐磨外底，加上中底配備緩衝吸震物料，減低足部受壓。」總括來說，如果行短途且平坦路段，穿「山系」專用波鞋亦無不可，但切忌穿着波Boot或籃球鞋等不適合款式；若需長時間行走崎嶇山路，則建議穿着保護性及機能更強的專業行山鞋。

行山杖要識用

鍾Sir教路：「孭住大背囊的話，行山杖有助平衡身體及借力；如果去到雪山、冰川等地方，行山杖更可用來測試前方冰地的硬度，減低意外發生。」很多人用行山杖都有個謬誤，就係以杖底的膠塞篤地，其實正確使用方法是除去膠塞，以碳鋼頭抓實石頭等地面，咁樣先可發揮行山杖嘅功用！

揀襪都有學問

行山係長時間運動，雙腳少不免出汗，一般人以為着厚身棉襪就得，其實襪身變濕的話，很容易令雙腳起水泡，所以最好選擇快乾物料如Thermalite、Lycra等，行山時最好帶多一對襪以便更換。

撰文：林子聰

攝影：謝孝祥

查詢電話：（a）2388 3626、（b）2947 9182