L-06D JoJo 25周年終極替身

長篇漫畫《JoJo的奇妙冒險》最叻玩替身，睇住主角如何對付敵人的替身能力，可說是最精彩之處。適逢漫畫踏入25周年，原作者荒木飛呂彥特別與LG聯乘合作，推出猶如漫畫替身的L-06D JoJo手機，全球限量15,000部，不但機背改為替身「白金之星」的銀白兩色，還印有空條徐倫的手稿拉花及荒木老師親筆簽名，Fans冇理由唔Buy。

採用Android 4.0系統，背景同Icons全面JoJo化。

預載12卷漫畫

為滿足JoJo粉絲要求，新機引入好多盞鬼功能，除了有空條承太郎等主角的背景牆紙外，最估唔到係程式集大部分Icons都變成替身大頭貼，單係呢份心思已值回票價。另外，打字時會有人物經典對白建議提示，可透過GPS一覽杜王町各個景點，天氣熱時仲會有替身「太陽」出現。用戶更可為相片加入對白、角色貼圖等，自行設計靚相話咁易！新機還預載了第一部12卷漫畫，配合4:3方形芒，觀感猶如睇真書一樣！