老實講，對《Battleship》呢套電影我係十分之掙扎，先係聽到原來電影與筆者細細個玩嗰盒Battleship有關，已經即刻打個突，因為呢個咁簡單嘅遊戲，查實我小時候係非常鍾意玩！而將佢變做電影可以有幾好睇？相信都係破壞我嘅美好印象居多……如是者，上正場的時候，我冇膽去睇，又或者近年真係太多所謂嘅大製作，好似將所有Budget放晒落特技而冇錢搞個劇本咁。但殊不知，返嚟嘅口碑又好似唔錯喎，仲有人話係Transformer嘅海上版添！故此碟一出，馬上據為己有，回家一看龍與鳳。說到底，劇情並冇太多你估唔到嘅事情發生，尤其係男女主角嘅型男索女感情線係正路到不能再正路，而成套戲亦流露出一啲近年愈嚟愈少見嘅Hardsell美國主義；感覺，似返咗90年代。不過，話雖如此，《Battleship》可謂全無悶場，130分鐘的正路官能刺激，可能正正是我們這個荒誕社會所需要的東西。