Smart TV隔空彈憤怒鳥
《Angry Birds》自面世以來，累積下載次數已超過10億次，而開發商Rovio近年除了忙喺芬蘭開設憤怒鳥樂園外，原來仲靜雞雞同Samsung合作，於新一代Smart TV推出電視版《Angry Birds》。現在ES8000及ES7000電視系列的用戶，只要進入Samsung App Store便能下載，而且完全免費。
電視版憤怒鳥的玩法很簡單，基本上跟Kinect體感操控相若。玩家只要站在電視前方約4呎距離，揮動手掌便能移動游標，當移至憤怒鳥身旁時再握拳拉弓，期間可擺動手臂來調校角度；當校啱後放開手掌，憤怒鳥便會彈射而出！
若操作的是黑色或藍色小鳥，飛行中只要再握拳便能使出特殊技。小記實測時，基本上好易上手，唯一問題係手臂要長期舉高，而且手掌要伸直才能成功辨識，玩得耐難免疲累，所以要拎3粒星絕對唔容易！
撰文︰陳志滔
攝影︰陳世昌
查詢電話：3698 4698