1:6新夜神反底紋戰甲

舊陣時蝙蝠俠只係一個穿灰色衞生衣嘅幪臉大叔，但經過導演基斯杜化洛倫改造，今時今日蝙蝠俠已變成型英帥靚正嘅黑夜之神。在新一集《The Dark Knight Rises》裏面，蝙蝠俠不但多咗EMP電磁波機關槍等武器，連盔甲物料和設計都大幅改良。以上種種，本地玩具商Hot Toys於電影上映期間發布1:6 Figure，讓大家一睹全貌！

胸甲經過「反底紋」處理，令花紋更耐久。<BR>售價︰$1,580<BR>預售價︰$1,530（今年第4季推出）<BR>＊圖中為試辦款式，與正式推出的版本或有若干分別。

胸甲經過「反底紋」處理，令花紋更耐久。
售價︰$1,580
預售價︰$1,530（今年第4季推出）
＊圖中為試辦款式，與正式推出的版本或有若干分別。

裝甲拆件製作

蝙蝠俠戰衣經過多集「改良」後，款式不斷更新，質料在今集更換上較輕的乳膠製造，務求令主角的動作更靈活。微縮成1:6 Figure後，物料雖然冇咁癲，但一樣不會馬虎，除了在底衫印上一層薄膠增加韌度外，胸口、手臂及大腿的裝甲更採用不同硬度的PVC打造，並化為獨立部件，令Body線條更立體。另外，有別於以往胸甲上的印花，今次特別選用「反底紋」處理，顧名思義花紋是印在透明甲背後而非表面，從而令圖案更耐久，心思值得一讚！

頹爆真人Look

有個靚Body，但Figure成功與否始終在頭雕上，呢方面由頭雕師Kojun及塗色師JC. Hong負責。新作唔算大執，但因應新一集故事發生於前作8年後，兼且蝙蝠俠被死敵Bane打到飛起，因此面相會稍見老態，雙目無神兼眼袋下垂，表情比過往頹得多。另一改良之處是在鼻樑附近加入息肉，並同時修短髮尾，若校好燈光影相的話，唔講仲以為係真人照！特別一提，為增強頸部靈活性，頸圈位為獨立部件，以後擺甫士就唔怕轉頭時硬晒軚！

斗篷膊頭位藏有鐵線，頸後的「V」字亦似足戲服。

為保持Slim，特別將Body改良，提供32個關節。

多款新武器

幸好蝙蝠俠要神氣的話，戴個面罩就搞掂，加上送齊冷靜、憤怒及咬牙切齒3款嘴形，若配合埋P.E.R.S.轉動眼球系統，保證要幾Chok有幾Chok！惟留意一點，今次嘴部再非磁石黏合，而是改用夾件方式，變臉起嚟冇以前咁方便。配件方面，每集蝙蝠俠都有新武器，今集除咗蝙蝠槍、蝙蝠鏢、Mini Mines及Bomb Gun外，還有可將周遭電子儀器癱瘓的EMP機關槍，並以藍光LED模擬電磁波，逼真到爆！