ZENBOOK Prime UX31A 3mm薄歎全高清

近期體壇盛事浪接浪，小記為實現全高清欣賞，諗住添置一部支援Full HD嘅手提電腦。剛巧ASUS日前發布ZENBOOK Prime UX31A，集13.3吋Ultrabook輕巧便攜與全高清顯示於一身。除了外形承繼上代3mm激薄身段，內涵更大「升呢」，選用Ivy Bridge處理器和SSD硬碟外，屏幕更以IPS霧面鍍膜炮製，可視角度高之餘，帶出街睇片都唔怕反光，室外室內觀賞同樣精彩！

售價：$10,498起

IPS靚芒防反光

以鋁合金炮製的ZENBOOK Prime UX31A，造工滿有13.3吋MacBook Air的影子，最薄處只得3mm，纖巧度在眾多Ultrabook機款中數一數二。然而新作更提升屏幕解像度，選用支援Full HD的IPS面板，擁有高達350cd/m2亮度與800:1對比度，可視角度闊至178度，幾個朋友圍埋睇片都唔怕視角太側而令畫面偏色；配合防反光的霧面鍍膜處理，就算喺沙灘曬住太陽睇運動賽事直播，畫面都依然一清二楚！

新一代Ivy Bridge

想流暢睇全高清影片，硬件配備當然要強。新機搭載最新Ivy Bridge雙核心Core i5-3317U處理器，超低功耗只得17W，基本時脈達1.7GHz，並可Turbo Boost提速至2.6GHz，運算能力出色，加上整合Intel HD Graphics 4000顯示晶片，影像硬解能力更勝一籌。此外，硬碟選用高速128GB SSD，讀寫速度平均可達300MB/s，比傳統HDD快近4倍，操控自然快人一步。再者Dual Band Wi-Fi技術令無線上網速度提升，串流追Live都唔驚聲畫唔同步。

外形大致跟上代一樣，機背以鋁合金材料炮製。

面板採用IPS防反光物料處理，幾斜睇芒都色準誘人。

按下Function鍵即可控制鍵盤LED背光的開關。

S.H.E.節能技術

為了滿足Ultrabook的極速開機特性，新機備有自家第二代S.H.E.（Super Hybrid Engine）節能技術，當啟動「Battery Saving」模式時，待機時間可延長至最多14天，休眠待機時更可長達200天！即使用到電量低於5%時，系統亦會醒目地將未存檔的資料自動備份，以免突然熄機導致資料流失。此外，新機亦配備Instant On功能，能於2秒內從休眠狀態回復過來，咁就可以隨時開機得知賽果！

機側設置mini HDMI輸出及mini D-sub端子，需要另駁轉插器使用。	Super Hybrid Engine節能介面，將待機時間延長至14天。	IPS全高清芒，睇片靚到出汁！（設計對白）
試片區播放《The Amazing Spider-Man》全高清試片，可見蜘蛛俠身上的網紋極清晰，質感層次一流。