鍾意玩《Crazy Taxi》等揸住架車亂撞的遊戲迷，都係畀佢不合常理的駕車玩法所吸引。若玩厭咗普通車，想自己打造心水戰車的話，新推出嘅《DiRT Showdown》相信會啱大家，它屬暴力型賽車遊戲，務求將對手架車撞爛，稱霸世界不同賽道。
遊戲以3種玩法構成，包括在充滿斜坡及障礙物路段，以氮氣加速超越對手的「Racing」；開足馬力將對方的戰車撞毀，直至無力作賽的「Demolition Derby」；在廣闊特技公園內，展現個人駕駛技術的「Hoonigan」等，務求在50多條賽道贏得錦標殊榮。
模式方面，以8 Ball Mode錦標賽最為吸引，皆因玩家可賺取經驗打造心水戰車。而經調校的賽車，更可於連線使用，玩家可向網上對手下達「Showdown Challenge」戰書，挑機決勝負；更可將自己的威水短片擺上YouTube分享。加埋其他精彩模式，如不斷逼對手掉落平台的「Knock Out」、撞車困獸鬥的「Rampage」等，肯定令大家樂而忘返！
類型：賽車
開發：Codemasters
平台：PS3、Xbox 360
售價：$469（PS3）、$429（Xbox 360）
撰文：廖俊斌
查詢電話：2720 6698