唔少玩家將《Dragon's Dogma》稱之為「西洋版芒亨」，雖然背景以中世紀奇幻風格設計，但背後係由「芒亨」開發商Capcom發功。但小記玩落發覺有唔少分別，每版大佬都變成混種巨獸，好似試玩版便要打隻獅子頭、山羊身的怪物；而最大特色係要靠連線出租士兵賺錢，系統都幾另類！
《Dragon's Dogma》以中世紀奇幻背景設計，收錄九頭蛇（Hydra）、獅鷲（Griffin）、哥布林（Goblin）等神話怪物，唔講都唔知係日本Capcom出品。它與「芒亨」始終係兩款唔同遊戲，後者最受歡迎的4人連線屠龍玩法，就冇得帶落《Dragon's Dogma》，連線玩法變成借用其他玩家的士兵幫手打怪。
這個稱為Pawn的夥伴系統，出戰時要組成由玩家、主兵同兩名支援兵的4人小隊，主兵可跟住主角升呢，由最初設定角色開始，就會跟主角一直出戰，冇得轉人；而支援士兵其實即係各個玩家的主兵，只要練得勁便吸引到其他人使用，咁就可以賺水晶升級裝備，所以唔好只顧住練角色，主兵都要花時間操Fit佢！
類型：動作
開發：Capcom
平台：Xbox 360、PS3
售價：$328
撰文：布偉倫
查詢電話：2366 1001