「血」仍未冷 City Hunter Predator

2.0高清版

由最早期嘅《Predator》電影，到之後嘅《Predator 2》、《Alien VS Predator》等，Hot Toys大大話話出過10款以上血獸。正因為血獸曉生金蛋，所以廠方再把它以2.0高清版重現人間，而今次的12吋City Hunter Predator正是頭炮。

回溯2008年的舊版，當時製作技術尚未成熟，以致Figure頭重腳輕兼擁有一條「誘人」黃蜂腰。今次再版，造型師Joseph Tsang第一步便改良素體設計，先是重繪血獸身上的蜥蜴花紋，並刪去腰關節，令胸部及腰部呈現一體化，配合新織網衫，感覺自然得多。頭雕亦是新製，面相更為猙獰；最重要是血盆大口備有開、合兩款組件替換，像真程度爆燈！唯一要彈係頭盔質感太過粗糙，若光滑一點會跟電影更一致。

採用新製Body，花紋重繪，並提供22個關節。

藥箱可以打開，但由於內裏的金屬儀器太細，不能拆下。

配件多籮籮

買得血獸，預咗配件一大籮，今次亦唔例外，除了備有伸縮長矛、飛碟及右手的金屬鋼爪外，還附送藥箱、氧氣罩及斷手，當中藥箱更可完全摺合並收回Figure背部，玩家只要花啲心思，便能重現血獸被男主角斬手一幕。另外，血獸唔夠人打，必定會好無賴咁玩自爆，這方面Figure左手便配備了自爆器，隨盒更附有特定手形，方便擺甫士。此外，走唔甩嘅人類骸骨及6隻可換手都有齊，惟今次異形頭骨欠奉，整體而言尚有改善空間！

頭盔表面稍嫌粗糙，電影裏面光滑得多。	辮子頭用軟膠製作，比舊版更有層次感。	附送氧氣罩，留意它只適用於此Figure。

撰文︰陳志滔　

人類頭骨連脊骨原條奉上，但比例好似細了點。

送橢圓形地台及6隻可換手。

攝影︰謝孝祥

查詢電話︰2388 4677