GALAXY Y DUOS雙卡上網慳漫遊

主卡隨時換

雙卡機向來有唔少捧場客，可惜大多出自內地品牌，質素冇保證，GALAXY Y DUOS卻跳出這框框，同時內置SIM 1及SIM 2兩個卡槽，支援GSM四頻及UMTS制式，換言之香港、內地以至大部分世界地區的電話網絡都適用；外遊時只需在當地買張儲值卡，便可以當地號碼打電話和上網，省卻漫遊費用。而兩張SIM卡更可同時待機，只要簡單拉下Status Bar便可更換主卡，畫面右上角亦有兩個獨立接收圖示，連每個SMS、來電紀錄都有「1」、「2」數字作識別，咁就唔怕用錯Number打電話。

兼備3G上網

一般雙卡機只支援雙卡撥號功能，大部分都冇得上網，今時今日絕對唔夠用！所以新機特別為兩張SIM卡加入3G上網功能，方便大家隨時睇facebook、下載Apps。而且手機可以限制主卡的流動數據用量，當SIM 1用爆數據都可以用SIM 2頂上，超方便！同時更內置「SIM卡管理員」工具，可以隨意更改SIM卡名稱、圖示，一眼即可分辨到。

鏡頭僅得300萬像素，亦冇LED補光燈，成像質素一般。	SIM卡插槽位於電池下方，更換時需要熄機拆電。	機身雖然厚12.18mm，不過邊位微曲，幾好揸手。

的骰細機設計

新機採用一貫GALAXY系列的圓角電鍍銀邊設計，論外形唔算有特色，但機身勝在的骰，僅僅大過一張信用卡少少，加上背殼刻意用上弧形設計，便攜之餘，手感亦唔錯。美中不足是3.14吋屏幕的解像度只有240×320，縱然整體對比度、色彩不俗，但文字和圖示就略嫌未夠細緻，網頁細字唔放大都幾難睇得清楚。規格方面，採用入門級832MHz處理器搭Android系統，配合自家TOUCHWiZ介面操作，未見特別Lag機，以千多元的入門機來說，表現合格。

《Samsung Apps》提供精選工具，有特價時仲會提示用家。	除了畫面右上角會同時顯示兩個接收圖示，SMS亦會加入「1」、「2」作識別。	雖然芒仔細細，不過打速成、倉頡都算就手。

規格表

制式：UMTS 900/2100、GSM四頻

內置「SIM卡管理員」，可以更改SIM卡的圖示、名稱。	播放YouTube HQ試片時相當流暢，可惜屏幕解像度較低，上下亦出現礙眼的黑邊。	GALAXY Ace Plus 售價：$2,398

處理器：832MHz

記憶體：384MB RAM、512MB ROM、支援microSD

屏幕：3.14吋（240×320解像度）

鏡頭：300萬像素

對外連接：7.2Mbps HSDPA、Wi-Fi、藍芽3.0、microUSB

備用時間：700小時（2G）、550小時（3G）

通話時間：15小時（2G）、6小時（3G）

作業系統：Android 2.3.6

體積：109.8×60.6×12.18mm

重量：111g

同場加映：GALAXY Ace Plus 升級更抵用

Samsung上年推出中階路線的GALAXY Ace，市場反應都算唔錯，日前更推出升級版GALAXY Ace Plus。雖然外形變化不大，但背殼加入凹凸坑紋，手感不俗。而最大升級是處理器提速至1GHz，雖則仍屬單核心，不過整體操作流暢，亦支援Flash Player，睇網頁或短片都可以原汁原味！唯一要彈是新機鏡頭維持500萬像素，亦不支援篤芒對焦，拍攝效果只屬一般。

撰文：林子聰

攝影：盧展程、張群生

模特兒：Lulu

查詢電話：3698 4698