潮媽賣韓衣 小老闆Show Off

談到湊仔經,媽咪與媽咪之間總有說不完的話題,投契程度甚至可演變成「姊妹淘」。像Susanna和Connie這對初為人母的好姊妹,對小朋友的服飾一向有要求,既要錫住肌膚,又要Keep住靚樣,久而久之,二人齊齊變了童裝專家,由買衫變賣衫,更以孩子的名字開設童裝玩具店呢!

樓上開店 孩子變生招牌

為孩子扮靚靚,不少潮媽均表現得樂此不疲,Susanna和Connie是最佳人辦,二人更對近年火速崛起的韓國童裝情有獨鍾,結果由用家變店主,開設樓上童裝店。Susanna說:「還記得自己懷有Leah時,碰巧與良久未有聯絡、又同時懷孕的好友Connie遇上,自此以後,我們經常分享育兒心得。有感韓國童裝款靚又舒服,備受不少媽媽追捧,最終決定開店創業,專售韓國兒童服飾。」店名「Leah & Kurtz」正是源於兩名潮媽店主的心肝椗,採訪當日,同為兩歲半的Leah與Kurtz,更變身小Model,展示各式潮服,猶如店舖的生招牌!

說到穿衣之道,Susanna表示,這陣子忽冷忽熱,長袖是首選,質料則以薄身較合適。款式方面,女孩子可選荷葉邊或泡泡等皺褶設計,展示活潑一面,男孩子則可選恤衫,配合格仔、條子、衣領Details等設計,既斯文又有型!

同場推介

除了靚衫,店子特設玩具區,引入多款木製玩意。連小孩子的玩樂需要也兼顧到,兩位媽咪級店主果然細心!

Information

Leah & Kurtz

店址:銅鑼灣白沙道8號2樓A室

查詢電話:2898 9855

撰文:郭淑怡

攝影:梁偉德

模特兒:Leah、Kurtz