舊區新貴西餐廳

總廚堅持用靚料

Souffle着重食物的質素，所以在廚房的師傅多過在樓面的侍應。總廚兼老闆之一的黃Sir有28年西廚經驗，曾於五星級的淺水灣酒店和馬哥孛羅香港酒店任廚師，對食材、烹調方式和食物的配搭都非常講究。因為始終在舊區，菜式定價不能太高，為保持食物的質素，他會每天到附近的街市入貨，以最新鮮的海產和蔬果等材料奉客。不過，黃Sir亦有其堅持：「如果啲料唔靚，寧願賣少一個菜式。」所以餐牌上的菜式可能會無得食，不過牆上每日精選餐牌則會有新菜式。

朱古力心太軟配雪糕 $48外皮香軟，流心朱古力醬夠香夠濃但不會過甜。	酥皮焗豬柳 $218 澳洲豬柳香腍，酥皮夾了火腿、莧菜和香菇，層次豐富。	海鮮意大利飯 $128 三文魚塊皮脆肉嫩，青口肉厚味鮮，大蝦鮮甜味美，意大利米飯粒粒飽滿，好嚼頭。

求真味要講究

除了新鮮食材，其他用料都非常講究，就好似頭盤的意大利火腿伴蜜瓜，選用了意大利的Parma火腿，味道不會太鹹，入口味道更香，而灑在上面的幾滴醋，則用了意大利的Baisamico 28年陳醋，火腿甘香味即時提升。雖然是高級餐廳，但裝修則走簡約風，沒有多餘的裝飾，一道透明的大玻璃，讓食客清楚見到廚房，增加了食客和廚房的互動。

試食要點海鮮飯

技蘭@上水Souffle 40人讚好！

技蘭：舊同學Gathering，個海鮮飯好好味，人人爭住食！

eva：我之前都去過呀，個海鮮意大利飯的確OK喎，啲飯好有咬口。

技蘭：問咗個大廚，佢係用Arborio Risotto Rice，真正嘅意大利米嚟架!

+2：叫Souffle，啲梳乎厘係咪好正架?

Wendy：我覺得佢哋個心太軟正啲！

技蘭：招牌梳乎厘，睇住個師傅即場手打，入口即化，不過我都鍾意心太軟多啲，Yeah~~~~

撰文：李文雅

攝影：盧展程

查詢電話：2672 3166