補氣養生 激新人參菜
食療食療，大家都明白醫衣同源的道理，所以冬天會進補調理身體。出名諗頭多多的海景軒中菜大廚梁輝雄師傅，最近就推出多道以不同品種人參入饌的養生菜式，像高麗參、花旗參、黨參及鮮人參等，炮製出高麗參香煎桂魚、花旗參涼伴雞絲、黨參乾煎蝦、杞子鮮人參糕等。聽梁師傅講，人參比其他養生材料難處理，由於它帶濃烈的甘澀味，烹煮前要先蒸煮調味，配搭性味平和的食材，像帶子、雞肉、魚類等最啱。
我覺得蜜餞人參帶子最特別，鮮人參蒸熟後切成薄片，加糖、豉油、薑葱等煮約45分鐘至收乾水，做成蜜餞的效果，味道甜甜的，與帶子的鮮味很夾。由於人參有暖身補氣作用，大家不妨食多啲，在寒冬中保持暖笠笠。
食人參補身！
CC@尖沙咀海景軒 10人讚好！
CC：剛剛在海景軒吃飯，我個名廚老友梁師傅又有新作。
嘉欣：今次有咩新意思？
CC：人參菜~XD天氣咁凍，啱晒用來補氣暖身！
妹豬：人參？會唔會又苦又澀o架？:O
CC： 其實每個菜的人參分量很少的，不會太難入口。
嘉欣：我成日手凍腳凍，等我今晚約埋老公去吃補番下先。XD
CC： 哈！好多菜式都要2日前預訂。
妹豬：咁不如打電話去預訂，一齊去食啦。^3^
撰文：褚愛琪
攝影：盧展程
查詢電話：2731 2883