3噸磚爐 爆脆Pizza送到

勞師動眾出錢出力

鎮店之寶沒有被收收埋埋，一走進Piccolo就可隔着玻璃看到大大個石磚爐。其實意大利每家Pizza店都會有個磚爐，為了保留意國特色，店主專程從澳洲訂製眼前這紅磚砌成的巨爐，高8呎、重3噸、價值30萬！等足3個月才運到香港，還要出動10多人才可搬入廚房，認真大陣仗！有何巴閉之處？石磚爐熱力高達攝氏300至400度，只需3分鐘就可將Pizza焗好，高溫下Pizza零舍脆口，中心部分卻又保持煙韌，不會一咬成手餅碎；餅邊脆薄且帶點焦燶，好香口！

強勁後盾

看店中只有10來張枱，以為是小店，豈料大有來頭！其中一位幕後老闆是新加坡飲食集團Les Amis管理層，集團年前曾過江於星街開設名店Cepage。今次開薄餅吧，要求一樣高，開店前廚師曾前往集團於新加坡的意式餐廳受訓，由揉麵糰和煮意粉學起，難怪薄餅和意粉水準咁高。

Panchetta $130（配本地雞蛋）、$145（配意大利雞蛋） 窩蛋Pizza，原來是意大利傳統食法，吃時記得將蛋黃搗爛，讓蛋汁流入餅皮和煙肉中，香脆中有點濕潤，選配意大利雞蛋的話，蛋味會更香濃。	Aglio Olio $110 只用橄欖油炒香蒜片、辣椒及意粉，入口先有濃濃蒜香，再滲出少許辣味，意粉咬口十足。	Diavola $130 只選用Pepperoni及Mozzarella為配料，芝士味濃，簡簡單單帶出意式傳統風味。

貴精不貴多

薄餅款式簡而精，只有10款，多是火腿、火箭菜、番茄醬、芝士等傳統配搭，最搞鬼是Panchetta，在煙肉番茄薄餅上加隻蛋，好少人知這是意國傳統食法！過癮！意粉也不錯，做得Al Dente，Aglio Olio蒜香撲鼻，Carbonara用意大利蛋做，蛋味香濃。

Prosciutto Di Parma $130 人氣之選，滿滿的火箭菜帶來清新口感，加上鹹香的Parma Ham及芝士，惹味。	Chef Cheryl's Tiramisu $55 根據Cepage的配方製作，入口咖啡味重而口感香滑，作為一餐的句號最完美。	餐廳一邊是用餐區，一邊是水吧，以啡色為主調，異國風味十足。

話明是Pizzeria & Bar，店中有個小酒吧，放滿紅白酒，卻沒有意大利酒！原來身為專業品酒師的老闆全憑個人喜好選擇，著名的Jean Francois Coche Dury和Anne Gros都是他心水。

海蝦番茄蛋麵片 $108（跟前菜、咖啡或茶） 特別選用海南島番茄加蛋製成湯底，酸酸甜甜，與滑溜麵片最合拍！	星斑球湯麵配鮮魚湯底 $128（跟前菜、咖啡或茶） 將海星斑去骨製成斑球，加上以魚骨熬成湯混和豬骨湯，味道帶濃濃魚鮮味。	花膠鮑魚麵配豬骨湯底 $138（跟前菜、咖啡或茶） 大連鮮鮑燒香，鎖住鮑鮮味；扎膠由老火湯煮個多小時，而湯底更加入鮑魚汁，盡嘗鮮味。

店子開業不久即火速於大坑開分店，看來Pizza界將再熱鬧起來。

巨型石磚Pizza爐

卡士高@西環堅尼地城Piccolo Pizzeria & Bar 22人讚好！

G.S：我想問個店名點解呀？

卡士高：Piccolo係意大利文，即係Tiny的意思，老闆話希望餐廳出品貴精不貴多，每款都是心機作咁話。^^

陳皮梅：咁餐廳除咗Pizza同Pasta，仲有咩食呀？

希斯：會唔會有小食呀？^3^

卡士高：仲有湯、沙律、小食、甜品，希斯你呢個芝士怪一定要試Fried Cheese！以火腿包着水牛芝士煎香，加埋火箭菜，Yummy！:p

G.S：環境都幾靚喎！哇！牆上掛住我最鍾意的Vespa呀！XD

卡士高：係呀！紅磚牆、實木櫈，加埋意大利舊報紙裝飾，好Vintage！啲Vespa海報全部都係老闆喺意大利買番嚟。^^

Yanda同學：正！等我拿拿臨約埋西環之友去先！

地址：西環堅尼地城爹核士街1E號舖

查詢電話：2824 3000

中式麵抬頭！

講起中式麵，大家都覺得有點土氣，不過中環的「醉滋味」就帶來不一樣的印象。採用日式居酒屋為設計概念，開揚、簡單、乾淨，與傳統麵店截然不同，老闆鄭先生希望大家可在悠然的氣氛下品嘗中式麵，一改對中式麵睇法。

店中主打麵片及上海麵，由鄭生找相熟的廠商根據其Recipe製作；對香港人來說，較特別是麵片，起源於北方，像薄薄的雲吞皮，柔軟幼滑；鄭先生特別調配過分量，所以麵片特別煙韌彈牙，而且吸湯力強，索盡濃味湯汁。湯麵配料亦不貴不用，有鮑魚、花膠、海參、星斑球等等；湯底特別以超過30斤的豬骨熬至奶白色，味道鮮濃，重點是無味精，飲晒成碗都唔會口渴！成功改變我對中式麵的印象。

你食過麵片未？

蘇小小@中環醉滋味 20人讚好！

陳Car：嘩！咁得意！呢碗咩嚟架？:-o

蘇小小：中式麵片！滑溜溜好好食，呵呵呵。XD

元先生：湯底有無特別先？

蘇小小：除了普通豚骨湯底外，仲有巴基斯坦咖喱同海南島番茄湯底！ Yumyumyum :D

假二汶：除了麵片，仲有無其他麵揀呀？

蘇小小：仲有上海麵，比較煙韌重麵粉香，視乎你想食邊一款了！

陳Car：咦～有得講無得食，下次去中環飲嘢之前我一定要去食番碗！VV

查詢電話：2521 9191

A5近江牛打邊爐

眼看氣溫愈跌愈低，莫講話返工，連出街搵食的心情都無。其實食好嘢不一定要出街，只要走到高級超市掃貨，一樣可足不出戶食大餐。我最近在city'super發現日本頂級「近江牛」極上A5級和牛及法國西南部農場鵝肝醬及鴨肝醬，前者是日本3大和牛之一，牛味濃郁且脂肪分布均勻，放湯一汆，油香肉香滿瀉，當火鍋配料一流；後者以法國西南部的傳統食譜及人手製造，質地幼滑，鵝肝較香而鴨肝味道較濃，配多士吃最正。

和牛火鍋召集！

波點人@銅鑼灣city'super 5人讚好！

波點人：今日天寒地凍，最適合喺屋企打邊爐！

Gogogo：真係？你買咗咩材料呀，等我Join你呀。^^

波點人：我買咗入口即融的近江牛極上A5級和牛肩肉薄片，喺屋企炮製Shabu Shabu，呵呵呵。XDDD

怪獸：哇，睇到張相已經想食，預埋我一份，一罐罐嘅係乜東東？

格仔衫：我知我知，佢係來自法國的鵝肝醬同鴨肝醬，用來塗麵包做早餐就最正！

阿船：哼，我又無得食。^3^

波點人：供應期有排都未完，到時你返香港我再買畀你食啦。^___^

查詢電話：2506 2888

撰文：蘇瑞霖

部分攝影：林資凱、譚建章