7吋Light Tab 2 一機兩用

平板電腦尺寸眾多，當中以7吋較為便攜。近日中興（ZTE）推出的Light Tab 2，便採用7吋屏幕的輕巧設計，除了支援3G及Wi-Fi上網外，更具備撥號及短訊功能，將平板與手機功能集於一身。最重要是定價$3,000有找，趁新年換新機就最好不過！

售價：$2,880

磨沙背殼好手感

7吋平板電腦講求便攜性，為方便手持，新機特別於背部加入磨沙塑膠物料，唔易跣手，讓用家可以單手輕鬆操控。雖然圓角機身設計未算突出，但勝在造工紮實，後殼蓋掩緊密，邊位亦見平滑，完全沒有國產機的「山寨味」。美中不足是新機重量達402g，比同級7吋機種重。

兼備電話功能

新機加入Wi-Fi及3G功能，支援14.4Mbps HSDPA上網，可同時使用手機功能如撥號通話、收發短訊等，以後帶住這部Tablet便可一機走天涯。不過用家需留意，機身不設聽筒，通話惟有靠內置喇叭，建議配合藍芽耳機使用。軟件方面，新機預載Android 2.3系統及自家UI介面，在1.4GHz處理器的強勁機能下，操作極之流暢。