光學防震SH-01D　Snapshot新定義

大部分手機礙於Size所限，鏡頭經常出現走焦和雜訊問題。反觀以拍攝功能掛帥的日系手機，最近又有佳作，於DoCoMo SH-01D引入1,210萬像素鏡頭，同時備有人面對焦、微距、拍攝場景等功能；加上支援光學防手震技術，室內昏暗環境下拍攝都冇咁易鬆郁朦，配合AQUOS 4.5吋3D裸眼觸屏及Android智能系統，一於趁聖誕換機影輯靚相啦！

售價：$5,680

媲美DC質素

日系機款的拍攝技術向來領先全球，新機更可拍攝出媲美DC的3,000×4,000像素相片，輔以人像、夜景等場景模式，還可手動調校感光度、白平衡等進階設定。最吸引是新機支援光學防手震功能，就算於低光環境下取景一樣穩定自然。小記在戶外和室內試拍時，對焦快而準，相片效果層次分明，邊位亦見銳利，成像高過一般Smartphone幾班！

裸眼AQUOS高清屏幕

Sharp的AQUOS系列電視機大家就聽得多，新機被冠以AQUOS PHONE之名，全因它搭載同廠4.5吋觸控屏幕，可視角極之廣闊，而且色彩亦忠於實物環境，味精感覺不重。新芒另一賣點是支援1,280×720解像度，比主流的qHD（960×540）細緻得多，睇網頁時字體放大都沒有起格；不能不提屏幕更支援裸眼3D，雖然鏡頭未能拍攝3D影像，但手機卻內置2D轉3D圖像功能，毋須佩戴眼鏡即睇立體效果，玩味十足。

機背備有1,210萬像素鏡頭，還印有AQUOS PHONE字樣。

支援IPX5/7防水標準，特別於microUSB插口加入保護蓋。

拍攝介面似足相機，備有多個場景模式供選擇。

雙核Android解封

DoCoMo自從解除SIM Lock後，出品的手機毋須解鎖便可在香港使用，連3G上網亦再無限制，小記試過以新機上Android Market下載Apps或開啟個人熱點都冇問題。軟件方面，新機預載Android 2.3平台，配合1GHz雙核心處理器及1GB RAM，規格與頂級機款睇齊，可惜是預設的Palette UI換頁時未夠順暢，幸好介面設計美觀，其中Status Bar可同時監察電量、接收及開啟快捷鍵，用落都算方便。