香港人分秒必爭，排隊等車甚至搭電梯都會拎部iPhone篤一餐，但那些Kill Time玩意已玩到麻木晒，小記今次推介一些近期大熱的逃脫遊戲（Escape Games）。特色係玩家通常被困於密室，只要細心周圍篤可疑地方，便能收集道具和貼士，助你逃出生天！
貪得意走入神秘大屋探險，點知走到入去才發覺門窗都被上鎖，惟有靠牆身、書櫃等地方發現的小道具逃走。不過要收集所有工具相當講步驟，例如駁水喉時，要先找出貼士才可完成。其次是解謎時可能用上一些數學邏輯，唔係三兩下工夫可以解決，難度幾高。
售價 免費
傳統的逃脫遊戲多數將你丟進大屋內，而且畫質一般都唔高，但今次就破格地要從車廂內逃走，仲以全實景拍攝車廂大大小小細節，畀你慢慢找出逃走方法。原來常見的車廂內藏不少道具，想走的話不妨多留意拿到的道具，可能有很多提示在其中。
售價 免費
逃脫遊戲雖然食腦，但係衰在耐玩性甚低，成功逃脫後基本上都唔會再玩，所以玩家需不斷尋找新Apps挑戰自己。這款《App Navi》其實是一個發布新逃脫Apps的平台，不時會推出遊戲供玩家下載試玩。如果各位用iPhone「逃」上癮的話，便不能放過這App了。
售價 免費
篤芒搵線索搵到厭的話，不妨試吓這款另類逃脫App。玩家可透過G-sensor體感控制機械球滾動，目的是要逃離身處的迷宮基地，過程中還要巧妙避開監視器和陷阱，玩落絕不兒戲，場景有時仲幾複雜，萬一被人發現，敵人更會向你開火，避唔切就會爆波重來。
售價 免費
撰文：李潤康