Terminator 2 18吋阿諾Chok樣回歸

面相一Take搞掂

Figure造得要像真，頭雕係靈魂所在，今次阿諾出動了Enterbay首席頭雕師YJ Park，對阿諾戲中那種木口木面的冷酷神情，拿捏得相當好，雖然沒有P.E.R.S.轉眼系統，但眼神卻雕得極凌厲，連微細的紅筋都畫埋，誠意補番數啦。廠方表示，今次搵到阿諾舒華辛力加親自審批頭雕，佢拍戲出晒名，又做過加州州長，以為實會彈三彈四，點知本人親批都可以一Take搞掂，可見Figure像真度十足。可惜面相只得一個，爛面機械Look欠奉，好在隨盒附送一副招牌黑超，都算有得玩造型。

1:4高人一等

18吋阿諾除了是HD Masterpiece系列的第4彈外，仲係1:4 Action系列頭炮之作。雖然廠方之前有出開1:4李小龍Figure，但只係齋睇冇得郁。負責人透露，佢哋見1:4這個Size在市場的接受度幾高，所以決定推出這個18吋高的Action系列。巨型Body當然要重新打造，而阿諾這副HD1004可動素體，共有超過30個關節，同1:6 Figure一樣可以任扭任郁，同時考慮到1:4負重較大，因此集中提升關節位的實淨度，實物所見，雙腳和膝關節做得最穩陣。

新素體有超過30個關節，18吋Figure都可盡情擺甫士。

前臂可拆出來，換上血淋淋機械手，仲有油壓效果。

血腥玩「露械」

如各位對《未來戰士2》的經典場面有印象的話，除了阿諾單手轉槍上彈的Winchester 1887霰彈槍外，應該仲記得那個藏槍的紅玫瑰金盒，今次兩者皆有附送。至於其他配件亦忠於原著，M1911曲尺手槍、晶片連保護盒、可摺刀仔均有齊，其中最令人眼前一亮的是血淋淋嘅「露械」手。這隻機械手噴上金屬塗裝及髹上仿血顏料，像真度極高。而5隻手指做得很精細，可獨立屈曲，郁動時手臂的油壓還會相應伸縮，重演電影裏阿諾（界刂）手臂那一幕都冇問題。

連長褲蓋住的靴筒位都有晒Detail，相當細心。	戴上黑超換個Look，頭髮唔算太高身，幾像真。	除了五官雕得精細，面形亦配合到當年的阿諾。

撰文：李潤康

意大利真皮物料製的皮褸，手臂屈曲時具獨特皺紋。	鑑於戲中金盒用來藏槍，所以盒內預留位置放支霰彈槍入去。	附送9隻手掌及一隻機械手，揸槍拎刀都冇問題。

攝影：方偉堅

查詢電話：2332 3615