ChaCha面書分享王

據最新統計資料，全球每天有2.5億用戶以手機玩facebook！有見市場龐大，HTC最近推出了一部「面書」專機ChaCha，只需一分享掣，即可Post相兼打卡，仲可以用埋QWERTY鍵盤極速回文，畀Like都快人一步！

一按留言長按打卡

平時用手機版facebook留言，需要逐版跳頁，部分按鈕更隱藏起來，使用時相當不便。ChaCha之所以連「面書」創辦人Mark Zuckerberg都讚好，最大原因是機身設有一個「f」分享掣，只需一按即可在塗鴉牆留言；若在聽歌或睇相時撳掣，更可把該音樂或相片分享至facebook！另外，只要長按「f」掣即可自動定位兼打卡，功能全面。

內置鍵盤中英輸入

ChaCha是HTC第2部facebook專機，比起上一部Salsa，最大改革是加入完整QWERTY鍵盤，有齊26個英文字母及十字方向掣，若同時按「FN＋Space」更可在手寫、倉頡、速成及筆畫輸入法之間切換！系統則選用Android 2.3，並預載「Messenger版2.1」 Sense介面，提供7版頁面，但由於屏幕只有2.6吋，因此左右兩角不能擺Widget，使用時要注意。