「花錢買車，究竟為舒適，還是追求速度感？」十個男人九個答後者，所以他們會留意各大賽車盛事，就連打機都只愛Racing Games。若閣下身邊都有呢類賽車迷，就要推介以下4大Apps畀佢哋，由F1新聞到賽車遊戲都有，一機在手，開車唔怕踩盡油！
《Need for Speed》向來是賽車大作，繼警車追逐戰的《Hot Pursuit》熱賣後，廠方再於iPhone加推《SHIFT 2 Unleashed》，特別改良畫面質素，令車身及路面的光影更逼真。今集更加入主觀鏡頭，同時新增黑森林、杜拜等20條賽道，加上40部真實名車，令人投入感大增，玩家亦可透過Game Center尋找對手，挑戰車神之位！
售價：4.99美元（折約港幣$38.9）
《Real Racing》系列側重賽車真實感，例如第2集便採用自家研發的Mint3D物理引擎，無論是汽車外觀還是反光的柏油路，都猶如真實一樣。遊戲提供30部名車、15條賽道，並設有競賽、計時及故事3個模式，預計打爆機需要超過10小時，耐玩到震；另支援16人連線對打，最啱約埋班Friend鬥車。
售價：6.99美元（折約港幣$54.5）
一級方程式賽車進行得如火如荼，新加坡站又如箭在弦，想緊貼整季消息，就要下載這App了。它記錄了今年F1的所有資料，包括現場消息、車隊及車手介紹、各站排名等，猶如一本F1百科全書；用戶更可透過Chatroom跟世界各地車迷進行討論，既可談車經又可識朋友。目前更是限時免費，唔安裝就走寶了！
售價：免費
除了F1，MotoGP賽事亦極受車迷歡迎，而且今季車手大執位，例如史東拿就由Ducati空降Repsol Honda，令賽事更添變數。這個官方App不但提供最新消息、分站排名、賽事精華及相片等免費資料；購買完全版後，更可聽到現場旁述，甚至可把畫面切換到車手的主觀鏡頭，以第一身感受比賽氣氛！
售價：免費
撰文︰陳志滔