12吋美國隊長晒盾騷肌
今年暑假的西片戲碼特別強，有《變形金剛3》、《功夫熊貓2》同《哈利波特──死神的聖物2》等，但以上套套都是續作，論新鮮感還是《Captain America》（美國隊長）稍勝一籌。作為The Avengers的第一員，美國隊長偏偏被安排最後才登場，這正好讓玩具商Hot Toys有更多時間，精雕細琢這隻12吋Figure，單係那個電鍍盾就跟金屬真盾無異，等耐啲都值得！
頭盔脫不下
《神奇四俠》火燄仔Chris Evans對於擔演美國隊長，最初是拒絕的，皆因這角色對美國人來說，地位太崇高，演得稍欠神髓，分分鐘被全民圍攻。單從劇照來說，Chris無論樣貌和身形都入木三分，起碼戴上頭盔後英氣十足，Hot Toys表示︰「由於第一版嘅頭盔唔除得，只有鼻同下巴外露，所以阿Chris對頭雕基本上係一Take Pass！」廠商表示接下來的二戰版造型會加回全相頭雕，想欣賞Eom Jea Sung雕功就要密切留意！
海綿增爆肌感
Hot Toys以前都出過不少爆肌角色，但Chris的倒三角小蠻腰身形，卻難倒了造型師：「狼人同史泰龍Body雖然夠大隻，但太過虎背熊腰，着埋緊身衫就會變到圓碌碌！」經過多番嘗試，造型師最後決定用《人‧神‧魔戰》的柏修斯Body，再在上身加入海綿營造肌肉感，配合多層Layers的藍色戰衣，Figure總算大隻得來又有線條。稍為不滿的是，戰衣實在太乾淨，玩家最好自行舊化，而膠Boot亦沒有仿真皮般逼真。
電鍍盾勁逼真
上回廠方打造雷神時，曾採用合金鑄造大鐵錘，雖然外形和質感都吸引，但玩落就發覺太重以致Figure「不舉」。有見及此，今次製作美國隊長的圓盾時，廠商改用膠件配多層電鍍來處理，並於表面加入金屬花紋，令盾面有質感得來，又不會阻礙擺甫士。至於其他配件，美國隊長生於二戰年代，所以會跟番M1921衝鋒槍及M1911A1曲尺手槍，惟地台是標準的橢圓形膠板，賣過千元似乎貴了點呢！
售價︰$1,180
預訂價︰$1,130
發售日期︰2011年第3季
＊圖中為試辦款式，與正式推出的版本或有少許分別。
同場加映：復仇Baby
超級英雄大片《The Avengers》（復仇者）要明年先上映，但這股復仇漩渦卻提早於今年8月以「3吋釘」Cosbaby造型亮相。它一套6隻，分別來自《Iron Man 2》、《Thor》及《Captain America》，全部設有可動關節，部分更提供精細配件，如Tony Stark有手提箱，Thor有小錘等，粉絲們豈容錯過！
售價︰$68/隻、$408/套
預訂價︰$390/套
撰文︰陳志滔 攝影︰郭凱敏
查詢電話︰2388 4677