每年5、6月，荷包定必大縮水。母親節剛過，父親節又來；身為子女的，要找慶祝地方和買禮物，都幾頭痛。今年不如去灣仔食廈The East，有近30間食店，選擇多不在話下，多家食店在父親節期間更推出優惠，兼送大禮！老爸食得開懷，我此等「化骨龍」又不用費煞思量，還可以錫住荷包，一舉三得！
灣仔的The East交通不算方便，選這裏作為慶祝地點，只因食店夠集中，近30間食店，有齊中法意日多國風味，意國代表有La Cucina Italiana；日菜代表有秋田鐵板燒和柊亭料理、京川代表有帝后殿；想吃廣東菜則可去薈軒；選擇多多，滿足爸爸不同口味。
各家餐廳分別推出父親節套餐與優惠益食家，像德國餐廳King Ludwig Beerhall、Viva Ana Tapas & Wine Bar、一遊、La Cucina Italiana、帝后殿等均有送紅酒優惠；柊亭料理則送梅酒。
個人心水是秋田鐵板燒和法國餐廳La Bons Brasserie。前者鐵板燒師傅可在鐵板上製作不同圖案，向爸爸表達心意；後者菜式味道有水準。
怕飲醉？不打緊！迎合駕車的爸爸，只要在食廈內消費滿$300，便可有長達14小時的免費泊車優惠（6:00pm~8:00am），讓你和爸爸可盡情暢飲。
飲飽食醉，爸爸還有禮物收！皆因凡於6月11至19日在食廈任何食肆消費滿$500或以上，即可免費換領價值$200的袖口鈕一對。袖口鈕有4款設計，有貴氣有簡單款式，送畀爸爸作為父親節禮物最啱。若然爸爸鮮穿西裝，可選The East $30晚膳消費券一張，下次再和爸爸大擦一頓。
多重連環優惠，有得食有禮物，今個父親節必定氹得爸爸好開心。
The East 父親節推廣
推廣日期：6月11日至6月19日
換領袖口鈕時間：星期一至六 10:00am~7:00pm
星期日及公眾假期 12:00nn~5:00pm
查詢電話：2527 7292
撰文：黃夏霖