晨早直擊NBA精彩賽事，點可以冇精神？歎杯提神咖啡，再食埋朱古力、薯片及果仁等，邊食邊睇就最開心。GREAT由即日起至6月9日舉行「澳洲美食節」，方便大家掃貨睇波，推介包括於過去6年橫掃多個Sydney Royal獎項的咖啡豆（$105/275g），精選來自巴西、哥斯達黎加、印度及肯亞等產地靚豆，香氣撲鼻，一杯在手最開心；健康滋味有Brookfarm果仁乾果，這當地著名品牌，以天然方法栽種及製造果仁產品，可試胡椒味烤焗果仁、雜果仁等；此外，尚有Ernest Hillier朱古力及Absolute Organic薯片等，選擇多多。