香港真係美食天堂，就算依家天氣熱辣辣，都可以喺冷氣環境下打吓邊爐，或者燒吓香噴噴嘅肉，加埋三五知己，真係不亦樂乎！之不過兩者嘅關係就好似魚與熊掌，成日要人二揀一，叫人難以取捨。好在位於深水埗嘅「燒肉市場」為大家解決咗呢個煩惱，一個價錢就可以有齊以上享受，加多廿蚊仲有埋刺身拼盤，抵食到震！
食火鍋燒肉都嫌未夠喉？唔使驚，只要加多廿蚊，已可享受到大大碟嘅刺身拼盤，肥美嘅三文魚當然唔少得，仲有大大片吞拿魚、劍魚同鯛魚等上等魚生，件件都夠晒鮮美，咬落去仲清甜滑溜，無論質或量都做到最好，對食物有要求嘅大家知道點揀啦！
一般食肆常標榜有不少優惠，但每每也是要加錢先有得食。「燒肉市場」嘅火鍋優惠就均真好多，只一個價錢就可以食齊火鍋同燒肉，絕無取巧！至於火鍋用料，有香氣四溢嘅番茄洋葱、肉味十足嘅豬骨蘿蔔，同埋清新撲鼻嘅麵豉海藻，共三種湯底可以選擇，加埋鮮甜嘅粟米、肥厚嘅香菇同爽口魚蛋等配料，可見心思誠意十足！再加埋本報嘅優惠券，周一到周五都有唔同優惠，真係雙重着數！
食放題，大家都係貪佢可以叫幾多食幾多，但係好多時都事與願違，無論寫幾多碟都係得「丁屎」咁多，令人鬼咁激氣。但眼見「燒肉市場」店內完全無咁嘅事發生，而且肉類款式勁多，安格斯牛小排、牛柳粒、日本豚肉同五花腩片等樣樣有齊，師傅仲話準備埋原味嘅燒汁、香口帶黑椒味嘅山賊汁，同埋酸甜嘅果汁畀大家，令口感味道時常充滿新鮮感，加埋啤酒汽水任飲，一邊食一邊飲就至啱數！
燒肉市場放題地址：九龍深水埗青山道129~135號顯暉大廈地下2~7號舖
電話：2361 3337
放題收費：每位$148（連火鍋）或$168（連火鍋刺身）兩小時任食，啤酒汽水任飲
資料：客戶提供