元朗嘗鮮 酒店級即劏龍蝦

生猛龍蝦限量供應

主理人Calvin從事酒店業多年，眼見元朗的高級食肆不多，所以聯同一班曾於多間五星級酒店如四季、喜來登工作的大廚、侍應一同開店。由於熟悉貨源，所以店子選用的都是酒店級食材，包括加拿大肉蟹、法國睡蟹、愛爾蘭生蠔等，特別是波士頓龍蝦，每天新鮮運到，師傅更只揀選約1磅重、生猛有力的靚貨，全部即叫即劏即製，平均等10分鐘便食得，確保肉質爽甜有彈性。煮法方面，香口的有炭燒、鮮甜的可清蒸、傳統者有法式芝士焗，風味各有不同，平日只得5至6隻供應，要訂才可確保有得食。除了多款的原隻龍蝦，更有龍蝦沙律、龍蝦濃湯選擇，前者百幾蚊便有半隻龍蝦新鮮拆肉拌金柚雜菜，鮮甜無比；後者以10公斤的波士頓龍蝦頭及殼，先炒香至乾身，再加入其他配料熬4小時，湯濃稠而鮮味盡出，喝得出的真材實料。

一鴨兩食意大利飯

單看餐廳Logo大大隻龍蝦，招牌菜龍蝦必定夠耍家，而炭燒扒也不俗，選用美國肉眼及西冷靚肉，以火山石燒香令熱力更均勻，並且用上香草、洋葱粉等製成的秘製調味，令肉質Juicy嫩滑具獨特的芳香。值得一提的是，大廚在烹調上極用心，所有醬料均是自家製，藍莓醬、紅酒燒汁、鮮橙油醋汁等，

炭燒美國肉眼扒配薯蓉及炸車厘茄　$228/8安士 有8及12安士選擇，以火山石燒加上自家製的香草調味，令肉味更出眾。

海鮮凍盤 $588/King Size 分為Queen及King兩種Size，後者包括龍蝦半隻、生蠔6隻、睡蟹1隻、青口、玫瑰蝦、翡翠螺及蜆等，與好友分享就剛好。

不同食材對應適當的醬汁可提升食物的味道。烹調方面更用鵝油以低溫浸法國鴨腿4小時，拆肉後放入意大利飯同煮，在飯中吃到鴨絲，再煎香豐腴的鴨胸鋪上飯面，一鴨兩食夠創新，啖啖盡是肉香。雖然店子位於元朗怡豐花園地舖，附近人流比大街少，卻難得清靜，一室清幽雅致的裝潢下，吃着酒店級的美食，但價錢更相宜，相信精明的你都識得揀吧！

鵝肝凍批 $88 鵝肝先挑筋後用白蘭地、黑胡椒等醃過夜後再蒸半小時，單吃嘗到陣陣酒香，配自製的藍莓汁及多士，消弭膩感別具風味。	雜莓千層酥餅 $45 3種餡料都不一樣，分別是忌廉、鮮雜莓及雜莓醬，鬆化酥餅夾住清香撲鼻的果醬，很Refreshing！	烤法國鴨胸配油浸鴨髀肉燴意大利飯 $188 用鵝油以攝氏70度低溫煮4小時，拆肉後與意大利飯同煮，口感煙韌帶鬆化的鴨肉絲，還配以腍滑鴨胸，啖啖肉很滋味。

撰文：陳恩怡　攝影：陳富權

查詢電話：2668 3161