朋友XYZ，你說他迷信又好有信念又好，舉逢生活上的數字和密碼，都用128或者168，由車牌、行李鎖、電話號碼、Email Login Name、Email Password均盡可能包含128或168，但求發達發到最後一分鐘，如此神心，我祝他如願以償。我想，今年1月28日對他來說，應該別具意義啩，何況世上沒有1月68日，那就By Default地確認這24小時的重要性。
每年只得一個1月28日，今年還剛巧騎着虎年最後一個星期五，因此忽然變成一個難能可貴的大好日子，齊齊團年吃大餐，弄得間間餐廳酒家生意滔滔、處處VIP房間很早就爆滿，若果閣下的店子未能滿座，請埋年時好好檢討一下。
所以呢，像我這樣的一個「Dateless 男」，經常踎在家趕稿、玩facebook、跟四堵牆談心，居然都同一時間獲邀到這裏到那裏，可見幾宅的男、幾乾的女，都有可能乘着社會大勢，於虎年年尾作出終極虎虎生威大展Date途。可惜，我早已約好到傳媒夫妻家中作客，享用馬來肉骨茶、港產豆腐慕絲蛋糕和國際大電影，得好好尊重Prior Engagement，惟有先推掉業內圈子每月一次的「大姨媽會」，再推掉大熊朋友的生日會暨團年飯，然後推掉新相識朋友的團年飯暨生日會。人家新年大派利是，我在年尾大送檸檬，今年1月28日，同一天內夾夾埋埋得罪了數十名大漢與烈女。
我望着鏡子，問：「阿陳生，你咁嘅身世，憑乜嘢咁唔畀面推人哋？」我想，因為我與壹易發相沖了。
旅遊飲食寫作人