遊細界:星光照江門

笑?請別笑這條題,江門的確有好多粒星撐……場呢!

好記性的朋友,也許會留意到個多月前公仔箱有一個綜藝晚會節目,裏面雲集了不少祖籍江門的明星,而且粒粒都極有分量:曾志偉、梁朝偉、容祖兒……彷彿就是將整個香港娛樂圈都一網打盡。

當日我沒有收看這節目,不過也令我和很多朋友都有點懷疑:「乜江門真的有咁多星?」「有幾多個係『Pay-Per-江門』?」這個謎終於在今次的廣東之旅得到答案!不久之前江門市政府所建設的「星光園」明星公園正式落成,這個「星光大道江門版」比起香港的星光大道可算是有過之而無不及,從遠處就已經可以看到一個巨型的變色LED幕牆,映襯着一張張江門港星的照片以及所打下的手印;通過這面LED幕牆,就會見到豎立了許許多多的明星銅像,細心一看會發現「噢,乜佢都係來自江門?」──梁朝偉、劉美君、胡杏兒以至「宇宙最強」的甄子丹和「影迷公主」也不算很出奇,奇就奇在盧敦叔叔、陳百強原來也是江門人士。說到底,原來香港的娛樂圈可能是「江門最強」!無怪乎有不少的旅客都會特地來這裏,跟自己心儀的偶像「分身」拍照。導遊還說,市政府準備立一百個江門港星的銅像,令這個「明星園」更加星光熠熠。

「真係有咁多江門之星咩?」我問。導遊為我解謎:「其實當局所指嘅江門係一個大範圍,包括咗五邑(新會、台山、開平、恩平、鶴山)地區,所以先至可以網羅到過百位明星,將佢哋嘅名字納入喺公園內。」所有的明星都入晒江門數……聽起來好像一個爛Gag!

旅遊撰稿人

李兆祥