日產Murano萬勝節嚇鬼最啱

萬聖節周街都鬼聲鬼氣？因為呢個西方傳統節日，已經成為本地一個重要「娛樂節」，無論係主題公園、大型商場同玩具店，都一定見到南瓜人「兇神惡煞」咁望住你，夜晚街上大人細路都扮鬼嚇人，搞搞氣氛。若果諗住今晚參加呢類「嚇人派對」，開車四圍嚇人的話，咁就要準備一下，令愛驅變成「萬聖節南瓜車」！

萬聖節驚嚇情侶

年輕情侶Jason同埋Queko喺今日將會奉獻出第一次，包括Jason第一次買車，接過日產Murano 3.5成為車主。仲有就係兩位將會第一次一齊度過萬聖節，為隆重其事，所以佢兩位決定……將架車布置一番，今晚更加會帶齊鬼怪裝備出街嚇人！仲準備大量應節物品，包括大南瓜、巫婆掃把、鬼手指甲同殺人刀等等。

Murano車身龐大，如果貼滿南瓜貼紙，肯定好搶眼。	車廂搞氣氛車廂放南瓜等裝飾，增添怪異感之餘，最好就係着上奇裝異服，襯番氣氛。	大南瓜外形趣怪，最襯萬聖節，部分更可加入電燈泡作燈籠用。
日產Murano屬SUV，無論係市區或郊外駕駛都適合。	座椅空間寬闊，喺裏面換衫都冇問題。	後排三座位空間夠闊，搵多幾個Friend出嚟扮鬼都可以。
咁大個天窗，停車後可以伸個「鬼頭」出去嚇人。	大大個尾箱，今晚要帶幾多裝備去嚇人都得。	Murano不但實用，揭背外形更富動感，適合年輕人口味。