出來行，遲早要還；應邀試菜，好歹要交出意見；請人家吃飯，就做好準備接受批評。
公關小姐M和F相約我和行家S到某新開業的海鮮餐廳，嘗菜之餘順便敍舊。餐廳室內設計不算出眾，但亦時尚簡潔見得人。可惜飯局出師不利，打頭陣的冰鎮海鮮盤超乎想像地低水準，生蠔像開殼後被冷氣吹了1小時，大蝦恍如從零下35度冰櫃「新鮮」上碟 ；沙律還好一點，但醬汁又少、蔬菜心太低溫有「冰味」；作為主菜的牛肉太「鞋」口，魚柳和薯條還冷卻了；甜品不至於一敗塗地，不過適宜把難吃的選項從菜牌剔除……整頓飯，請客的和當客的都一臉尷尬。
畢竟大家都是朋友，行家S提議一齊開個玩笑：「以無味大蝦為例，身為公關若要『兜』，怎樣去『兜』呢？」
公關M先出招：「其實隻大蝦色澤都好鮮艷，肉質亦極之Meaty啊……」
再輪到行家S：「店舖新開張，貨源可能有問題，等我轉頭到廚房問個究竟……」
最後由我發功：「昨天吃的大蝦明明好新鮮，今天怎會這樣？真不好意思唷，一定是供應商有問題，我們會去改善……」
一枱人笑作一團。公關F補充：「其實，你都見啦，有時不去『兜』了。」
對的。「兜」像花紙，把禮物包得好好睇睇，最終要視乎禮物是寶或是草。況且，現在講環保，花紙可免掉，「兜」亦Out了。
結果，餐廳老闆過來Say sorry。
旅遊飲食寫作人