行山必備！7大救命Apps

1.Trails - GPS Tracker 冇訊號照睇地圖

iPhone雖然有內置地圖，不過荒山野嶺分分鐘收唔到訊號，唔可以完全靠晒佢定位和認路。《Trails - GPS Tracker》不但可以事先將用家預設的行山路線和地圖載入手機，即使上唔到網都可以離線睇地圖，單係呢點幫到唔少忙。此外，還可以隨時在地圖上篤兩篤更改行山路線，事後可以睇番行咗幾遠、用咗幾多時間等記錄。

售價：3.99美元（折約港幣$31）

可以檢視行程的距離、時間等多項資訊，還可以圖表顯示速度變化。

移動鏡頭直至將畫面中央的兩個十字對齊，才可得出準確數據。

2.Theodolite Free實境即知經緯度

《Theodolite Free》是糅合GPS、AR（擴增實境）、指南針、水平儀等多種功能的iPhone程式，只要用手機鏡頭對準畫面的十字框，便可搵出經緯度、方向和高度等資訊，萬一發生意外報警求救，這些數值足以讓救援人員快速搵到你，鏡頭還可作1至4倍數碼變焦，付費版更加入影相及數值記錄等功能。

上方為所在位置的經緯度和高度，十字下面有鏡頭顯示的方向。	《MyObservatory》隨時睇到溫度、濕度、紫外線指數和天氣預報等資訊。	透過所在位置鄰近的氣象站，可得知附近的天氣情況。

售價：免費

放大圖片	《LED Morse》可以將輸入的文字化為摩斯密碼，並以燈光顯示出來。	除了發出摩斯密碼，也可以當普通電筒照明及頻閃燈光。

3.MyObservatory 瞬間看天氣

登高遠足前第一件事就係睇天氣，除咗上網和睇電視，也可透過香港天文台的《MyObservatory》觀察天氣情況，發覺唔對路就取消行程或者立即折返。這個App除備有常用的天氣預報、風暴路徑外，也會根據用家所在位置鄰近的氣象站提供溫度、濕度、雨量、風向、風速和天氣照片等資訊。

程式透過發出高頻來驅蚊，不用時記得按底下的按鈕關上，以免浪費電量。

主介面的Icon清楚標示各種急救類別，並提供快速搜尋資料功能。

售價：免費

有相有片逐個步驟教大家如何生火、收集雨水等技巧。

出發前可照住程式內的Checklist，檢查必備用品。

4.LED Morse 求救訊號燈

倘若遇到意外等到天黑仲未有人救援咁點算好？如果你用緊iPhone 4，就可以靠這個《LED Morse》用燈光向遠處發出求救訊號。用家只要輸入英文字，如SOS，程式就可以將它轉換成摩斯密碼，並以LED燈閃動訊息。介面上也有電筒（Flash）和像Disco般的頻閃（Strobe）模式選擇，雖然唔知幾時用得着，但裝咗冇壞。

售價：0.99美元（折約港幣$7.7）

5.Mosquito Device Free 環保驅蚊法

香港人愈來愈注重環保，去到郊外地區唔想被蚊叮蟲咬，噴蚊怕水又怕影響生態環境和敏感皮膚，大可考慮在iPhone上啟動《Mosquito Device Free》，以高頻音效原理來驅蚊，既無氣味又唔會危害人體和動植物健康，不過有一點要注意，就係有機會玩晒啲電！

售價：免費

6.急救手冊臨急抱佛腳

意外就係意料之外，《急救手冊 First Aid Handbook》是一款罕見以中文編寫的救命程式，題材都幾廣泛，除有各種急救知識，也有「戶外意外急救」欄目，教用家在戶外遇到緊急情況時的處理方法，雖然只係臨急抱佛腳，都總好過坐以待斃。

售價：3.99美元（折約港幣$31）

7.SAS Survival Guide - Lite 野外求生指南

唔係個個人都做過童軍，可能連生火、搵水源等基本野外求生技能都唔識。《SAS Survival Guide - Lite》內容非常實用，有相有片教大家生火、收集雨水、觀星辨方向、睇雲測天氣、如何用刀等知識，出發前也可根據Checklist，檢查必須帶備的安全用品。平時亦可做吓測驗，看看自己對野外求生的認知程度。

售價：1.99美元（折約港幣$15.5）

撰文、攝影 ：陳若冰　

模特兒 ：Sheena（大紅大紫）