夏日炎炎，雖然好多人鍾意同陽光玩遊戲，但屋企的傢俬就唔得喇！好似大家日日坐住嘅真皮梳化咁，如果擺放位置係近窗台，日曬夜曬曬得多，表層顏色就會好易褪落，外觀亦會變得殘舊。
不過，想好好保養其實都唔係難事。例如可以每星期以專用除塵布抹去表面塵埃，另外每1至2個月做一次皮面護理就可以令真皮梳化更襟用。不妨試試以1小盒牛奶混和1小瓶蓋松節油，用抹布沾少少混合物輕輕喺梳化表面打圈擦拭，即可清除上面嘅污垢，令表面更光潔。
撰文：鍾焯如