不少人話飛行里數愈來愈易儲，飛兩轉就換到免費機票，係真唔係呀？真係！因為新加坡航空最近推出里數優惠，只要飛一轉就可換免費機票。只要登記為新航獎勵計劃KrisFlyer會員，由即日至4月30日期間，乘新航經濟客位來回三藩市一次，便可獲額外一倍KrisFlyer里數。簡單講只要去三藩市走一轉，已有足夠里數換一張新加坡經濟客位單程機票。此外，新航又推出優惠，4月30日前預訂5月27日至7月9日出發的香港新加坡來回機票，只需$1,200起。近排獅城咁多新搞作，係時候去當地玩番幾日。
網址：www.singaporeair.com 撰文：彭欣欣