Paula冇胸拋難敵JC
Lisa S.早前揚言要退出模特兒界，昨日又食言為時裝品牌Aigle行騷，她澄清只是99%不做模特兒，但會為好友或大騷行騷，她承認收入減少了一半，她說：「我依家仲係小主持，如果做到名主持就會有好收入。（吳彥祖會唔會畀錢你用？）唔會，如果係太太就會，我哋未結婚。（唔夠錢用點算？）我做主持夠我食用，但做模特兒可以夠食又可以有錢買嘢。」
另外，同場行騷的還有擔任Canon廣告的新女模Paula及Mandy Lieu，Paula是泰國演員首次在港行騷很緊張，問到會否學Jessica C.行性感？她說：「唔會，我唔係呢方面。（係咪冇警鐘胸？）可以咁講。」提及泰國政局，她說是表面危險，實際十分和平，又指泰國人好好，希望政治問題早日解決。
