《God of War》系列以希臘神話為題，加上誇張暴力的「殺神」玩法，在PS2時代已吸納唔少Fans。等足幾年，第三集《God of War 3》終於搬到PS3上推出，用上全新遊戲引擎，斯巴達戰士Kratos的復仇行動就更血腥殘暴，扭甩眾神個頭都係等閒事！
《God of War》在PS3上推出的第三集，採用最新3D繪圖技術加上新遊戲引擎，動態光影效果極為出色，而且在高速移動下，角色及其動作都唔會走樣。在遊戲系列三部曲中，第一集講Kratos賣命畀戰神Ares，但導致家破人亡而踏上復仇之路；第二集就係話Kratos選擇返回人間幫助斯巴達與眾神之神宙斯為敵；而今次作為最後一集，就講Kratos幫助泰坦族，向曾背叛過的眾神展開反擊，玩齊三集先至可以完全感受到史詩式的神話故事。
如果玩過第二集，今次就真係好易上手，因為操控方法一模一樣，但當然殺神招式愈來愈過癮。《God of War 3》可以使出空中擊殺，在空中捉住人面鳥，甚至可以扯甩神的眼同扭甩頭，要幾誇張有幾誇張。另外，亦可用上Icarus Wings在空中滑翔，不過要試多幾次先能夠掌握當中竅門。至於諸神就各式各樣都有，包括懷住殺妻深仇大恨的冥王Hades、半獸妖精Satyrs、無機巨像Talos、半人馬Centaur等，全部造型維肖維妙，如果對希臘神話有一定認識，大開殺戒時就更加投入。
類型：動作
開發：SCE Studios Santa Monica/SCEA
平台：PS3
推出日期：3月16日
售價：待定
查詢電話：2341 2356
撰文：布偉倫