諸葛梓岐靚聲覓知音

諸葛梓岐（Marie）及警鐘胸人氣模特兒Jessica C.（JC）昨日於灣仔The Quarterdeck Club，為英國倫敦型格時裝品牌REISS示範全新春夏時裝。一臉神采飛揚的Marie透露前晚才從日本回來，因當地下大雪天氣太冷，故未有盡情購物。至於如何和男友薛嘉麟慶祝白色情人節，Marie甜絲絲說：「未諗，之前係miss咗個情人節，但元宵嗰日都食咗飯。」

拒絕情侶合唱

對於Angelababy在日本出碟，問到同樣計劃在日本發展的Marie會否出碟，她說一切要交由公司處理：「我自己未得，會搵老師練習，（去男友旗下卡拉OK練歌好方便？）唱K同練歌係兩樣嘢，（男友覺得你唱成點？）佢一定話OK，（佢唱成點？）佢唱得唔好，我好啲，我鍾意唱容祖兒嘅歌。（逼男友合唱？）唔係咁好，都係佢聽我唱好啲。」

諸葛梓岐自爆歌喉比男朋友好。

JC唔介意三點式日光浴。

JC身材唔怕晒

至於會否加盟男友旗下的唱片公司，Marie說會公平考慮，男友親自招手呢？她說：「自己幾介意，咁好似成件事變咗另一樣嘢，唔想成為新聞，如果我唱得好，一定有人欣賞。」

此外，同場的JC表示一直忙於工作，今天終有一天假期，會去做GYM或買Boots，因之前的Boots爛了。JC更言十分掛念陽光：「想曬得tank啲感覺slim啲，唔介意着三點式，之前拍胸圍廣告都係咁着，唔怕男仔望，望係證明我好身材，同埋男友都會喺身邊。」她續說五月會返日本工作。文：名人組