陳嘉容前晚與邱李茂琪一同出席「梅窩水燈及天燈節2010」活動，她透露剛從東京返港：「新年去東京玩，去五日食足五日，返嚟啲褲即刻着唔落，所以唔敢再食，因為復活節會再去多次，到時負責帶隊，帶十幾人過去食好嘢同睇櫻花。」
問到會否像好友Lisa S.般退下天橋？她即說：「唔會，因為我真係好享受行騷，（怕唔怕畀新進model如Jessica C.同周秀娜搶飯碗？）唔擔心，因為有唔同style，大家工作唔同類。」而同場的邱李茂琪則謂近來忙於為十歲兒子的睡房裝修，她說：「因為佢想將間房變做大人房，加上佢有選擇障礙症，所以全部我幫佢搞。」