夏文汐志不在錢恨攞影后

息影多年的著名女星夏文汐昨日身穿價值$19,400 的Escada斑馬圖案露背裙出席護膚品牌LA MER活動，同場還有雷林靜怡及周美鳳等。夏文汐被安排坐在無綫高層樂易玲身旁，二人見面即雞啄唔斷，並要求身邊人為她們拍照。

夏文汐一見樂易玲即雞啄唔斷，並合照留念。	汪詩詩自爆曾為甄子丹敷面膜，但就不小心灼傷對方面部。	汪詩詩與紅虹（左）日前到上水長者宿舍探訪。

欣賞阿Sa

之前曾放風稱有意復出的夏文汐，被問到樂小姐有否斟她為邵氏拍戲時，她直認說：「有傾過，以前大家係同事，我同佢好夾，角色啱都可以試吓。」提到早前有導演邀她拍戲，她稱下月便會作決定，該戲將在五月開拍，她說︰「角色幾OK，會同新舊演員合作。（新一代演員最欣賞邊位？）我鍾意阿Sa（蔡卓妍）同陳偉霆。當然最想係同我偶像發哥（周潤發）合作，我可以唔計酬勞，最緊要係好食好住。」

另外，夏文汐又稱今次復出拍戲不望一炮而紅，但卻很恨攞獎，她笑言︰「我好鍾意獎，滿足感大過賺錢。（想攞最佳女主角？）係，我從未攞過獎，上年喺金馬獎攞咗個Best Dress，真係好驚喜。」

家人支持

問到今次復出家人是否支持？她說︰「冇問題，我最細個女都15歲，佢哋好獨立，成日叫我去搵份工。其實我一年前都冇諗過會復出，自己都好意外。」

同場的汪詩詩表示經常會為丈夫甄子丹做Facial，但有一次卻因為敷面膜的時間太長，令對方面部輕微灼傷，她笑說︰「佢有一段時間都唔畀我掂佢塊面，仲叫我出去學吓先。」另外，汪詩詩在剛過去的元宵節，應老友記慈善基金邀請到上水長者宿舍，向二百多位住院的長者們拜年及大玩遊戲，同場還有紅線女的女兒紅虹獻唱粵曲，令長者們聽出耳油。