高清妝容已是化妝潮流的大趨勢，而儼如沒有化妝一樣的裸妝在今個春夏繼續大行其道。一個靚裸妝，最基本的當然是要有完美的底妝，名模姚予晴今次就為大家示範裸妝美態，再配以一雙誘人的高貴紅唇，散發無窮魅力。
名模姚予晴（Mikki）對化妝的首要要求就是粉底要夠薄，她說：「我揀粉底一定要夠薄、保濕力強、要夠貼同時遮瑕度亦要夠高，Giorgio Armani嘅粉底就啱晒我嘅要求，我由佢出第一支粉底開始用到依家。」專業化妝師Benjamin就以該品牌最經典的Luminous Silk Foundation為Mikki塑造出猶如沒化妝一樣的透薄細緻底妝，再配以今年最新唇膏，化出今季至潮的紅唇look。
粉底要夠透薄
Benjamin說：「嚟緊春夏嘅彩妝潮流主要係營造輕盈飄逸嘅感覺，粉底妝容要夠透薄細緻。眼妝會流行柔和啲嘅色調，好似香檳金、淺藍色同粉紫色嘅眼影。至於妝容重點係喺雙唇上，唇色可以大膽啲，用啲sharp啲嘅顏色，例如鮮粉紅、深紫、深啡又或者係鮮紅色。」
大讚唇膏出色
而Mikki一直都很鍾情品牌的唇膏系列，對其新出的色調更是愛不釋手，她說：「佢哋嘅唇膏好出色，我最鍾意Beidge tone同紅色tone，前者時尚得嚟又好少女，感覺好自然，後者就夠高貴，但又唔會太誇張，搽咗即時變得sexy啲，更添女人味。」
今期推介
眼唇部位肌膚嬌嫩，不能用一般面部卸妝液卸妝，CHANEL的雙效眼唇卸妝液可輕易去除防水的眼唇部妝物，用後皮膚依然保持清爽，性質溫和，不會刺激眼睛。使用時只需用卸妝液沾滿化妝棉，輕按數秒，再一下一下向外抹拭，瞬間便可輕易卸除濃抹眼妝。
要保護肌膚，防曬絕不可少，Jurlique天然防曬乳液SPF 30+質感清爽細膩，亦同時具備防曬及日霜兩種效能，既可保護肌膚免受陽光及紫外線侵害，避免肌膚出現雀斑等問題，其二合一功能更可減輕面部肌膚的負擔。
化妝：Benjamin（Giorgio Armani National Face Designer）
採訪：張嘉敏
攝影：黎志輝