自細已鍾意畫畫的趙式芝（Gigi），前晚終於完成她的夢想——開慈善畫展。爹哋趙世曾為表支持捐出愛女所贈的畫，而且暗地裏高價買番，在金錢上全力支持女兒。

Gigi與好友波爾錶太子女楊如芯（Sean）為慈善籌款合辦畫展，前晚在藝穗會舉行，兩人共展出廿多幅作品，而賣出的畫更會全數捐助趙式慶有份籌辦的「母親與女兒」機構。Gigi表示從小已畫畫，最記得六歲時母親姚煒向她說想要架保時捷，當時她聽完十分無奈，繼而入房用了三個小時畫了一架保時捷給母親，令母親大為感動，自此更愛畫畫。

有人要願割愛

雖然爹哋趙世曾前晚因有事未能捧場，但就捐了一幅畫出嚟，而且是全場售價最高的畫，Gigi說：「呢幅畫係我十五歲畫咗送畀佢，亦係全場最鍾意嘅一幅。（點解會賣32萬咁貴？）我真係好鍾意呢幅畫，而且爹哋雖然捐咗出嚟，但佢已經認購咗，當然如果有人鍾意，佢都會割愛。」

趙世曾	趙式浩（左起）、姚煒及趙式慶（右）捧式芝場（右二）。

戴凱欣同道人

前晚出席畫展的有Gigi媽咪姚煒、細佬趙式浩，趙式明、趙式慶與太太、黃佩霞、馬清偉女友Winnie、趙金卿等捧場，場內反應熱鬧，不少人以行動支持。四洲太子女戴凱欣（Kennis）就買了Sean的一幅作品，Kennis表示平時亦愛畫畫，以人物素描為主，她說：「我高中時都有讀美術，鍾意畫人物，我幫過不少朋友畫過，好羨慕Gigi開畫展，有機會自己都想開。」

馬清偉女友Winnie（右二）及友人來欣賞趙式芝及Sean的畫展。

戴凱欣（右）睇中Sean這幅作品並買下。

採訪：名人組