模特兒歐陽妙芝去年將兩名兒子的肖像印在揮春上，今年搞搞新意思揮毫寫揮春，一對寶貝仔則畫年畫，實行新春親子樂，她將大仔方玉丞與細仔方玉亨的名字分別融入揮春中，寫成「心想事丞（成）」及「財運亨通」，大仔也嚷着要寫，寫上四個「方」字代表他們一家四口，十分可愛！她所寫的揮春會送給父母及老爺奶奶。
妙芝教兒子吹墨畫，以吹墨技巧吹成一棵樹，細仔再用擦膠沾上水彩點成花花。大仔則用蠟筆畫虎賀虎年，老虎仔更畫得精靈生猛。去年妙芝開始學書法，每周一次陪太子讀書，老師上門教兒子畫畫她乘機學書法：「同齡嘅小朋友人人都學畫，變成『必修科』，兩個仔當然要學，佢哋都鍾意畫，對色彩仲好敏感。」妙芝謙稱自己的書法寫得麻麻，其實她小學曾寫鋼筆字攞獎，寫得一手好字，中學亦曾習畫，如今再學一如進修。
新歲一家留港過節，妙芝本來想出埠，但怕人多擠迫，老公好傳統認為在中國人的地方過年才有氣氛。說到新年願望，她說最重要身體健康，亦會努力追多個女。
場地：美肌士多
