自己是一個自助旅遊的愛好者，除了中五的畢業旅行和一大班同學跟團去曼谷芭堤雅五天豪華團之外，之後所有的旅行都是自助旅遊！回想起都已經是十幾年前的事……認真歲月催人老。

跟團的話，你要晨早8點鐘酒店大堂集合吖唔該，中午安排你食中餐，唔好用難食來形容，不過唔好食囉，喺香港都唔會食，唔知點解跟團旅行要食？然後帶你去土產店，過時兼且唔係特別平，真係為買而買，夜晚再要你食中餐，點解？

一直都選擇自助旅遊的模式，是因為覺得自己仍然年輕力壯，未至於要旅行社安排好所有的行程膳食住宿，年輕人嘛！應該有自己的主見，不應該任人擺布……

自助遊的話，最起碼都畀自己瞓到10點鐘，午餐可能只是隨隨便便，在酒店附近的小店吃，都已經好好味，之後，唔需要特別去買甚麼土產，因為我總相信會遇到合眼緣的心頭好，夜晚當然要去一間品味餐廳去品嘗當地美食……

其實現今資訊愈來愈發達，自己可以非常容易在網上訂酒店、機票、車飛，令行程安排充滿彈性，想點就點……你唔係話畀我聽，你鍾意跟團呀嘛！

時裝設計師