寇鴻萍去年底在波士頓修讀兩星期的課程，她的兩位寶貝女唐貝詩和唐貝欣更專程飛到波士頓為媽咪打氣，完成課程後，一行三人齊齊去紐約滑雪度假，並順道探望寇鴻萍移居紐約的姪女，可惜在紐約遇上大風雪，令她們非常掃興。
本月初她們再到北海道滑雪，此行老公梁廷鏘亦有同行，但又再次遇上大風雪，寇鴻萍說：「除咗第一日滑到雪外，之後風雪太大，無得滑，好掃興，北海道雪場有個動物園，啲女話要去睇動物，見佢哋抱住啲狐狸、鹿和貓頭鷹合照，突然覺得佢哋都係細路女，之後又話要去流動遊樂場玩，我等佢哋玩時凍到死，佢哋就精力充沛。」
寇鴻萍說貝欣滑雪最叻，希望跟教練學習，貝詩就太懶惰無進步，而老公梁廷鏘雖然有五年滑雪經驗，但因跌到怕，故每次他只負責搵好食的餐廳。
