一向熱捧自己公司藝人的日本通王友良，早前召集公司所有藝人為Road Show拍攝賀年宣傳廣告，包括日本Rapper日華、模特兒Ariel、十人巷Rain和有「亞洲版Beyonce」之稱的劉晨芝，唯獨日模椋名凜冇份，她的位置由劉晨芝所取代。
椋名凜初來港時，得王友良悉心照顧，經常陪伴出席活動，不過近來雙方關係變質，近月椋名凜出席活動時明顯變成獨行俠，王友良將心血轉移到劉晨芝身上。對於棄「椋」捧「劉」，王友良解釋是椋名凜不在港之故，他說：「佢嗰時喺日本，中國農曆新年唔啱佢，佢又唔識中文，（你以前成日陪椋名凜出席活動，依家冇？）佢初嚟香港要睇緊啲，依家要忙其他藝人，（偏心劉晨芝？）睇每個人工作能力，要做足本分，我同每個藝人都交代得好好，同埋劉晨芝係國際級artist，同椋名凜級數唔同。」王友良又否認有錢賺唔預椋名凜，指椋名凜早前便做了仁濟騷。
