莊思敏早前到越南拍攝旅遊特輯，獲一名日本rapper主動示愛，該男子知道她有男朋友後未有知難而退，反而表示可做她的越南男友。不過莊思敏對男友吳浩康一條心，一口拒絕癡情男。

莊思敏（Jacquelin）早前為TVB生活台到越南拍攝《潮遊越南》旅遊特輯，在當地逗留一個星期。Jacquelin表示第一次去越南，主力介紹西貢這地方，感覺很驚喜，她說：「當地人好友善，好有禮貌，可惜大家溝通唔到，佢哋講越南話，好彩我哋有個工作人員識講，否則搭的士都有困難，我哋叫嘢食都靠身體言語，同埋指手畫腳。」

莊思敏首次到越南，大感新鮮。

吳浩康

買平嘢慘遭搵笨

雖然對當地人印象良好，但Jacquelin亦有遇上不快事，透露在旅遊區被「昆水」：「我第一晚就去行夜市，睇到對好靚嘅人手做拖鞋，對方開價12美元，我講價到7美元成交，以為買到平嘢，點知行到第二檔，見到人哋3美元就有交易。不過食嘢好平，50港元已有一隻大蟹。」

Jacquelin又表示在拍攝期間，有一名自稱是日本rapper的男子向她示好：「佢話喺當地有間舖頭，仲拉我哋去佢舖頭睇嘢，之後我哋去第二度取景，佢又跟住我哋，仲問我有冇男朋友，同埋問我攞email。我同佢講男朋友喺香港，佢竟然話想做我喺越南嘅男朋友，我當然拒絕。」

Jacquelin（左）跟工作人員靠身體語言在越南搵食。

Jacquelin獲日籍rapper示愛，但她拒絕對方好意。

誤闖黑社會地頭

除了「艷遇」，她還遇上了惡人，她謂：「有一晚我哋去夜市消夜，當拍到啲食客時，啲人兇神惡煞又手指指，後來先知嗰度有好多黑社會聚集，就算當地華人都唔敢去，好在我哋逗留一陣就走。」

文：名人組