大家平時出街食飯，應該都有食過一個幾惹味嘅餸，叫做豆豉雞，出街就食得多啦，今期就教大家試吓喺屋企整啦！

材料：雞件、乾葱、上湯

調味料：南乳、麵豉、豆豉、蒜蓉、紹酒、雞粉、糖、鹽、馬蹄粉

我們先製作特製豆豉醬，將豆豉剁碎，麵豉及南乳搓成醬備用，燒紅油鑊放蒜蓉乾葱粒爆香，後放豆豉慢火炸一陣，再放南乳麵豉醬一起剷至混和，加糖及果皮水，你就會開始聞到一陣豆豉和蒜蓉的濃香，把豆豉醬盛起，另將原粒豆豉洗淨，燒紅油鑊加少少油炒熱，盛起放入上湯中浸至軟身，使豆豉滲透着上湯的香味，咁豆豉醬就完成！

跟住將雞切件加少少糖醃約20分鐘後，加鹽、雞粉及少許馬蹄粉將雞肉撈至均勻，然後泡嫩油，約5成熟便盛起，再起紅鑊，將雞放在鑊裏加入豆豉醬拌勻，灑上紹酒，放入鑊中並收火焗約1分鐘，其時鑊內的豉蒜味已滲入雞肉裏，然後開蓋加入原粒豆豉和半湯碗上湯，焗2至3分鐘，直至雞肉僅熟，上湯也吸收晒，此時才打開鑊蓋，不用加芡上碟，就成豆豉雞。

貼士：

1.巧妙處是先製好豆豉醬，分量為70%豆豉，30%麵豉及南乳。

2.加入上湯及原粒豆豉，使豆豉雞更香，有濃香豆豉醬亦有軟滑的原粒上湯豆豉，這個做法焗豆豉雞，使雞身更軟滑。

騰哥Profile：具備30年鑽研飲食經驗，現代飲食協會副主席，新明苑飲食集團董事總經理，多年來旗下造就不少城中名廚，堪稱飲食界元老級人馬。

Email: lkt.smy@gmail.com