近日傳與o靚模Angelababy（Baby）分手的陳偉霆（William），昨日以Chouette代言人身份亮相活動，但曾與William以情侶檔拍廣告的Baby則未有亮相。單拖上陣的William表示：「唔算係單拖，我知佢喺日本嚟唔到！」被問到有否與Baby電話聯絡，他大方承認：「最近少咗聯絡，各有各忙，冇乜通電！」

不過講到聖誕節，William坦言完了工作後會買禮物給Baby，至於有指黃曉明力追Baby，William謂不作回應，直指是緋聞一則，是否信得過Baby？他直認：「係，佢話唔係就唔係，我冇問佢。」他又強調各有選擇朋友空間，互不干涉社交圈子。

瞓身撐環保

現正身在日本的Baby，早前獲澳洲時尚環保袋品牌Envirosax邀請，拍攝由十二月至二月的宣傳照，當中Baby以三個不同造型出現，分別「浪漫的節日驚喜」、「那個都市女郎」、「綠野仙蹤」，瞓地落力演出的Baby，在綠野仙蹤的造型中，更拖着小狗出外散步，用身體語言叫大家支持環保。