謝婷婷昨日出席一田紅酒節活動時淺嘗十多廿啖紅酒，結果到活動尾聲伊人因頭暈而要坐下休息，到影大合照時還不能站立。婷婷事後稱：「尋晚（前晚）喺北京返，今日條裙又太貼，所以活動前冇食早餐，飲咗酒有啲腳軟又出冷汗。（酒量差？）我唔飲得，反而男友（安志杰）最飲得，平時同佢喺屋企兩人燭光晚餐有飲少少。」三月正式拍戲的婷婷，自言沒演戲經驗故不會揀擇角色，但會請教哥哥霆鋒和爸媽：「我屋企係演藝世家，如果唔問就傻，我點會執輸！」至於問她阿嫂張栢芝肥了十多磅，婷婷表示因一直不在港故沒留意。