名模Ana R.昨日與「波神」高海寧一同穿上谷胸宮廷服作正面交「峰」，可惜谷胸效果高下立見，慘敗收場，難得Ana不介意，更笑指對方雙峰是另一對「警鐘胸」，高海寧則先送對方一頂高帽，大讚Ana美麗，並強調自己巨咪乃係真材實料，並非鬼影變幻球！

昨日新城市廣場舉行「喜迎60‧史諾比聖誕藝館珍藏展」活動，大會特別請來名模Ana R.與港姐出身的高海寧同以宮廷服造型介紹法國羅浮宮展覽的史諾比系列。現場所見，出名大咪的高海寧穿上谷胸宮廷服後更見「洶湧」，引來不少途人圍觀，反之瘦削的Ana則沒甚睇頭，即使出盡渾身解數，咪咪亦未能爭氣，難得伊人並不介意，更大方稱讚高海寧說：「我見到佢身材都嘩咗一聲，係另一對警鐘胸，我唔夠佢比，同埋我知道佢係港姐出身，覺得佢都好靚！」Ana又坦言是日沒有特別push up營造效果，只穿上普通胸圍而已。

高海寧手抱史諾比合照，更添幾分童真，性感又可愛。

Ana R.廣受現場市民和拍友歡迎。

狠批日模唔友善

對於日前日籍模特兒質疑新進模特兒Jessica C.的「警鐘胸」真偽，Ana即為師妹出頭說：「佢哋係日本model，呢度係香港，大家唔同市場，我覺得佢哋唔應該咁講嘢，好唔友善！」

唔認撼贏送高帽

至於大贏家高海寧則表示自己只作自然打扮，沒有刻意賣弄性感，記者笑問她會否擔心被指是「警鐘胸」？她即緊張地說：「唔係呀，我係天然㗎，你哋都知啦！」記者笑指她搶去Ana不少風頭？她即送對方高帽：「唔好咁講，我未入行時已經覺得佢好靚！」 文：名人組