李嘉欣、劉嘉玲、梁朝偉和郭富城為慈善推出靚樣郵票，郵票名為「郵．愛傳遞」，向來鍾意晒幸福的嘉欣，因為嘉玲和偉仔率先揀選了婚紗相做郵票，嘉欣因而錯過了與老公晒恩愛的機會。

昨日李嘉欣出席海港城支持自己的肖像郵票，是次是嘉欣為幫公關好友的IPS傳藝公關廣告慶祝二十周年，而推出「慈善珍藏版星光閃爍水晶心思心意郵票」，嘉欣的郵票全部賣靚樣及高貴氣質，她直言好滿意，預備訂購五十套送給朋友及家人。

嘉欣非常滿意郵票選用的靚相。	嘉欣因劉嘉玲先用婚紗相，惟有改用個人靚相。	放大圖片

聖誕與夫外遊望有B

問嘉欣為何不選用婚紗相？她說：「因為劉嘉玲和偉仔用咗，唔想撞概念，而且我老公（許晉亨）又唔係藝人，今次影呢輯相對我來講好有意義。（要五十套咁多送畀邊個？）好多朋友都想做慈善，五十套或者唔夠，因為有三十套要留畀屋企人。」

聖誕將至，嘉欣說會與老公外遊賞雪，問她會否二人去三人返，在外地製造小生命？嘉欣說：「我好感激上天賜畀我很多禮物，當然若有BB會更加開心，但唔會刻意不設防。」

丁子高做老竇要等等

嘉欣在非洲亦助養了五名小朋友，有部分經已長大成人出社會工作，她表示樂意應慈善機構的邀請往非洲探訪當地小朋友。另外，現場負責公關的丁子高，見現場的小朋友即時父愛氾濫，直言很喜歡小朋友，但指太太楊千嬅連度期結婚和影婚紗相也冇時間，相信生仔要放慢腳步！

文：名人組